Кога не треба да бидете љубоморни?

Напишано од Eлена Петок, 22 Август 2014 12:18

Ако во врската не постои љубомора, нема ни љубов - според некои. Иако е вообичаена, понекогаш едноставно нема простор за неа.

Ви откриваме кога не треба да бидете љубоморни.

Кога гледа во други жени - Исто како што Вие забележувате други луѓе, така и тој забележува други жени. Тоа што повремено гледа тука и таму, не значи дека повеќе не му се допаѓате, туку дека има очи.

Жените го гледаат него - Исто како што Вие сакате да приметувате погледи на себе, и тој сака да ужива во вниманието. Ова не значи дека тој сака да флертува или да ве изневери, туку ужива во потврдата дека не ја изгубил привлечноста.

Машко дружење - И на него може да му недостасуваат пријателите, исто како што и на Вас ви недостигаат пријателките. Ако сака да се дружи со пријателите, тоа не значи дека не му се допаѓате или дека му досадило вашето друштво, туку дека само се зажелел за машко друштво.

Потсетници на поранешните - Ако во некоја кутија има слика од поранешна девојка, не значи дека не ја преболел. Бидете искрени. Ако и Вие не сте се решиле од сите потсетници на поранешните, не постои причина да бидете љубоморни.