Напишано од Eлена Четврток, 30 Април 2015 12:10

Со огромно задоволство сакаме да Ве информираме дека албумот „Македонско девојче 2“ кој доби свое регионално издание преку водечката дискографска куќа Dallas Records веќе може да се најде на музичкиот пазар на просторите на сите бивши ЈУ држави. Прв сингл кој што веќе се врти по радиостаниците ширум Балканот е песната „Кој да ми запее“.

Како што претходно ве информиравме, Dallas Records - е една од водечките дискографски куќи во регионот што со своите изданија рушеше рекорди во продажбата во изминатите 20 години, а албумите и изведувачите меѓу кои Џибони, Северина, Бајага и многу други еминентни музички имиња, освојуваа бројни награди.

Dallas Records е основана уште во 1987 година и е ексклузивен застапник на ЕМИ која пак е издавач на светските музички великани, меѓу кои The Beatles, Queen, Kylie Minogue, Robbie Williams, Norah Jones, Lily Allen, Depeche Mode, Pet Shop Boys, Coldplay, David Bowie, Tina Turner и многу други.

За идните планови поврзани со промоција или настапи на Каролина, во контекст на регионалното издание на албумот „Македонско девојче 2“ ќе бидете навремено известени.

Share this post