Во март, Queen Bey го издаде својот хит албум Cowboy Carter. Една од нејзините песни се вика Levii’s Jeans и тоа е нејзиниот дует со Пост Мелоун. Не бевме единствените кои се „заглавивме“ со оваа песна, бидејќи, нормално, го привлече вниманието и на добро познатиот бренд. На почетокот тој го смени своето име на социјалните мрежи во Леви, како поздрав до Квин. И оттогаш почнаа да се објавуваат многу тизери за заедничка соработка и конечно официјално беше објавена соработката на Beyoncé x Levi.
Кампањата е насловена Reiimagine и има за цел да реинтерпретира некои од најпознатите иконски реклами на брендот. Првото поглавје е за реклама направена во 1985 година каде што еден човек оди во перална, ги соблекува своите Levi’s и чека во долната облека да ги испере. Партнерството ќе биде промовирано преку визуелни материјали за телевизија и социјалните медиуми, печатени и ексклузивни производи.
„Мојата песна Levi’s Jeans го слави она што верувам дека е врвната облека на Америка, нешто што сите го носиме со гордост. Чест е да се работи со Levi’s за создавање американска иконографија. Тексас на тексас често се претставуваше преку машката леќа. Оваа кампања за редизајн го слави иконскиот женски поглед, кој е многу важен за мене. Со нетрпение очекувам да истражам иновативни начини за усогласување на нашите визии со причината за зајакнување на жените“, рече уметничката.
